Könnunin var hluti af grunnrannsókn á vegum mennta- og barnamálaráðuneytisins í tengslum við lög um samþættingu þjónustu í þágu farsældar barna sem tóku gildi 1. janúar 2022. Einn liður í rannsókninni var að mæla reynslu foreldra/forsjáraðila af þjónustu við börn sem veitt er í mennta-, félags- og heilbrigðiskerfi til að síðar yrði hægt að meta hvort breyting hefði orðið. Öllum foreldrum barna á aldrinum 0-17 ára var boðið að taka þátt.